Editor: Rajesh.G.Rana. Phone: 9428510514.
0
0
રાજ્યમાં કાયદો અને વ્યવસ્થાની સ્થિતિ વધુ સુદ્રઢ બનાવવા તેમજ અસામાજીક ગુંડા તત્વો પર કડકમાં કડક કાર્યવાહી કરી તેમની પર સદંતર અંકુશ મેળવવાના ઉદ્દેશ સાથે રાજ્યના પોલીસ વડા વિકાસ સહાયે પ્રત્યેક પોલીસ સ્ટેશન વિસ્તારમાં રહેતા અસામાજીક ગુંડા તત્વોની યાદી તૈયાર કરવા કડક સુચના આપવામાં આવી છે. ત્યારે નવસારી પોલીસે વિશેષ કોમ્બિંગ ઓપરેશન શરુ કર્યું છે.
રાજ્યમાં અસામાજીક ગુંડા તત્વો સામે કડક શિક્ષાત્મક કાર્યવાહી કરવા માટે લેવાયેલા આ નિર્ણયનું તાત્કાલિક અમલીકરણ કરવા આદેશ સાથે નવસારી પોલીસ સજ્જ બની છે. નવસારી શહેર સહિત જીલ્લાના અનેક વિસ્તારોમાં અસામાજિક તત્વો, હિસ્ટ્રી શિતારો અને નોતોરીયાસ અપરાધીઓને શોધી કાઢવા સચ ઓપરેશન કરવામાં આવ્યું છે. નવસારી શહેરના દસેરા ટેકરી, તીધરા નવી વસાહત અને વિજલપોરમાં વિશેષ કોમ્બિંગ ઓપરેશન શરુ કરવામાં આવ્યું છે . નવસારી પોલીસ ટીમો શંકાસ્પદ વ્યક્તિઓના ધરોની તપાસ કરી હથિયારોની શોધખોળ સાથે વાહનોની ચકાસણી કરવામાં આવી રહી છે. આમ અસામાજીક કૃત્યો દ્વારા જનતામાં ભય ફેલાવનારા તત્વોની સામે ગુજરાત પોલીસે કડક કાર્યવાહી હાથધરી છે.
