Editor: Rajesh.G.Rana. Phone: 9428510514.
1
0
આજે વિશ્વ જળ દિવસની સમગ્ર વિશ્વમાં ઉજવણી કરવામાં આવે છે. પાણીનું મહત્વ જણાવવા માટે આ દિવસની ઉજવણી કરવામાં આવે છે. ત્યારે પ્રકૃતિને પૂજનારા પારસીઓએ આજે નવસારી પૂર્ણાં નદીના કિનારે આવા યઝદની પરબ કરી હતી. પારસીઓએ પૂર્ણાં નદીની પૂજા સાથે જ તેમના આવા દેવીને પ્રાર્થના કરી ફળદ્રુપતા અને સમૃદ્ધિના આશીર્વાદ માંગ્યા હતા.
પારસી કેલેન્ડર પ્રમાણે દરેક મહિનો અને દિવસના નામો પાડવામાં આવ્યા છે જે મુજબ આજ રોજ આવા મહિનો અને આવાં રોજનું પરબ નિમિતે પવિત્ર અગ્નિદેવની પૂજા સાથે પાણીની પૂજા કુવા, તળાવ, નદી કે દરિયા કિનારે કરે છે. નવસારી શહેરના પારસી સમાજના લોકો આજરોજ સંધ્યાકાળે નવસારી શહેરના વિરાવળ ખાતે પૂર્ણા નદી કિનારે ભેગા થઇ પવિત્ર જશનની ક્રિયા કરી પાણી સમક્ષ બંદગી કરી જળવંદના કરી હતી. દૂધમાં સાકારની જેમ ભળેલા પારસી સમાજે આજે પણ નવસારીમાં તહેવારને જીવંત રાખ્યા છે. પારસી સમાજે આજે જળપૂજન કરી ધાર્મિક પરંપરા જાળવી રાખી છે. પારસી ધર્મગુરુઓ જશનની પવિત્ર ક્રિયા કરી હાજર પારસી સમાજ લોકમાતા પૂર્ણા નદીના પાણીને વંદન કરી ફૂલ, શ્રીફળ અર્પણ કરી આજ રોજ મીસ્તાન તરીકે પૂરણ પોળી જેને દાળની પોળીનો પ્રસાદ જળને અર્પણ કરી બધા પ્રેમથી આરોગે છે.
પારસીઓએ ધાર્મિક પરંપરા જાળવી રાખી, દૂધમાં સાકારની જેમ ભળેલા પારસી સમાજે આજે પણ નવસારીમાં તહેવારને જીવંત રાખ્યા
