admin
0 
0 ગુજરાતમાં ચોમાસું વિદાય લે તે પહેલાં રાજ્યના અનેક વિસ્તારોમાંવરસાદી મહાલો સર્જાયો છે. ત્યારે નવસારી જિલ્લામાં સાર્વત્રિક વરસાદ છે. નવસારી શહેર સહિત જિલ્લામાં છેલ્લા ત્રણ દિવસથી ધીમીધારે વરસાદ વરસી રહ્યો છે. આજ વેહલી સવારથી નવસારી શહેરમા છુટા છવાયા ઝાપટા સાથે ધીમીધારે વરસાદ વરસી રહ્યો છે. વરસી રહેલા વરસાદના પગલે શહેરના રોડરસ્તા પર વરસાદી પાણી ભરાયા છે. વાહનચાલકો સાથે રાહદારીઓને હાલાકી પડી છે. નવસારી જિલ્લામાં રાત્રે દસ વાગ્યા સુધીમાં જલાલપોર તાલુકામાં ત્રણ ઇંચ, નવસારી અને ગણદેવી તાલુકામાં 2.5 ઇંચ તથા ખેરગામમાં એક ઈંચથી વધુ વરસાદ સાથે ચીખલી અને વાંસદા તાલુકામાં વરસાદ પણ વરસાદી માહોલ સર્જાયો છે.
હવામાન વિભાગે રાજ્યમાં ત્રણ દિવસ ભારેથી અતિભારે વરસાદની આગાહી કરી છે. સાયક્લોન સર્ક્યુલેશનની અસર ગુજરાતમાં જોવા મળી રહી છે. મધ્ય મહારાષ્ટ્ર તરફ સાયક્લોનિક સર્ક્યુલેશનને કારણે ગુજરાત તરફ ભારે વરસાદની આગાહી કરવામાં આવી રહી છે. આગામી ત્રણ દિવસ ગુજરાતના અનેક જિલ્લામાં મેઘમહેર થવાની શક્યતા છે. દક્ષિણ ગુજરાતના છોટાઉદેપુર, નર્મદા, વલસાડ જિલ્લો તથા દમણ અને દાદરા નગર હવેલી ખાતે ભારે વરસાદની આગાહી કરવામાં આવી છે.
