Editor: Rajesh.G.Rana. Phone: 9428510514.
0
0
નવસારી : નવસારી જિલ્લા કલેકટર શ્રી ક્ષિપ્રા આગ્રેની અધ્યક્ષતામાં કલેકટર કચેરીના સભાખંડ ખાતે જિલ્લા સંકલન અને ફરિયાદ સમિતિની બેઠક યોજાઇ હતી. બેઠકમાં કલેકટર શ્રી ક્ષિપ્રા આગ્રેએ લોકપ્રતિનિધિશ્રીઓ દ્વારા રજૂ કરવામાં આવેલા પ્રશ્નોને વહેલી તકે નિકાલ કરવા તાકીદ કરી હતી. જિલ્લા કલેક્ટરશ્રીએ વિવિધ વિભાગોના અમલીકરણ અધિકારીશ્રીઓને બેઠકમાં રજૂ કરવામાં આવેલા પ્રશ્નોના પરસ્પર સંકલન અને વ્યવહારુ અભિગમ અપનાવી લોકોના પ્રશ્નોને આયોજનબદ્ધ રીતે પૂર્ણ કરવા સૂચનો પણ કર્યા હતા.
આ બેઠકમાં નવસારીના જિલ્લા પંચાયત પ્રમુખશ્રી પરેશભાઈ દેસાઈ , નવસારીના ધારાસભ્યશ્રી રાકેશ દેસાઈ, ,જલાલપોરના ધારાસભ્યશ્રી આર.સી.પટેલ , જિલ્લા વિકાસ અધિકારીશ્રી પુષ્પલતા ,પોલીસ અધિક્ષકશ્રી સુશીલ અગ્રવાલ , વાંસદા પ્રયોજના વહીવટદારશ્રી પ્રણવ વિજયવર્ગીય સહિત જિલ્લાના સંબંધિત અમલીકરણ અધિકારીશ્રીઓ હાજર રહ્યાં હતાં.
