Editor: Rajesh.G.Rana. Phone: 9428510514.
0
0
હાલના તબક્કામાં નાના બાળકો જૂની રમતો ભૂલીને માત્ર કમ્પ્યૂટર કે મોબાઈલ પાછળ ઘેલા થયા છે ત્યારે નવસારી શહેરમાં વર્ષો જૂની રમતો બાળકો સુધી પહોંચાડવાનાં ઉદેશ સાથે ગણેશ પ્રતિમા બનવવામાં આવી છે. શ્રી ગણેશ યુવક મંડળ આયોજિત વિસરાયેલી રમતો તાજી થાય તે માટે અલગ અલગ રમતના સાધનો વડે ગણપતિની પ્રતિમા બનાવવામાં આવી છે.
ગણેશ મહોત્સવની ઉજવણી આંનદ ઉલ્લાસ ભેર વાતાવરણમાં કરવામાં આવી રહી છે. નવસારી શહેરમાં વિવિધ ગણેશ મંડળો દ્વારા લોક જાગૃતિ અર્થે વિવિધ થીમ પર ગણેશ પ્રતિમાનું સ્થાપન કરવામાં આવ્યું છે. નવસારી શહેરના ગણેશચોક ખાતે છેલ્લા 48 વર્ષથી મંડળ દ્વારા સંદેશાત્મક થીમ ઉપર ગણેશ પ્રતિમાનું સ્થાપન કરવામાં આવે છે. જેમાં સમાજને કોઈકને કોઈક સારો સંદેશ આપી શકાય. તેવા ઉદ્દેશથી આ મંડળના સભ્યો મથામણ કરીને ગણેશ પ્રતિમા ડિઝાઇન કરે છે. આ વર્ષે વિસરાયેલી રમતો તાજી થાય તે માટે અલગ અલગ રમતના સાધનો વડે ગણપતિની મૂર્તિ બનાવવામાં આવી છે. આધુનિક જમાનાનુ બાળપણ કોમ્પ્યુટરની રમતો અને ભાગદોડમા પતન થઈ રહ્યુ છે તેવા સમયે જુની રમતોને ફરીથી જીવંત કરી બાળપણને બચાવવાનો પ્રયાસ રુપે અલગ અલગ રમતના સાધનો વડે ગણપતિની પ્રતિમા બનાવવામાં આવી છે. આ પ્રતિમા દર્શનની સાથે બાળપણના સંસ્મરણો તાજા થાય છે.
આ ગણેશ પ્રતિમાનું મોઢું ભમરડાથી બનાવવામાં આવેલ છે. સૂંઢ ભમરડાની દોરીમાંથી બનાવવામાં આવી છે. કાન કોડીથી તેમજ કાનની કડી દોરી કુદમાંથી બનાવવામાં આવી છે. જમણો હાથ કપડાં ધોવાના પાયામાંથી બનાવવામાં આવેલ છે. જે આગાઉના સમયમાં બાળકો ક્રિકેટની રમતમાં ઉપયોગમાં લેતા હતા. જમણો હાથ ગીલોડ દ્વારા બનાવવામાં આવ્યો છે, તો જમણો પગ માચીસના બોક્સમાંથી બન્યો છે. ડાબો પગ પાનાની કેટ માંથી બન્યો છે. તેમજ બેઠક ઉપર પૈંડુ બિલ્લો બોલ અને ગિલ્લી મુકવામાં આવ્યા છે. આમ અલગ અલગ સાધન વડે બનાવવામાં આવેલ આ શ્રીજીની પ્રતિમા આકર્ષણનું કેન્દ્ર બન્યું છે.
