Editor: Rajesh.G.Rana. Phone: 9428510514.
0
0
આહવા તાલુકામા ૧૩૬ લાભાર્થીઓને કુલ રૂપિયા ૧૬ લાખ ૪૨ હજાર ૨૮૮ ના સાધનો વિતરિત કરાયા
આહવા: ભારત સરકારના સામાજિક ન્યાય અને અધિકારિતા મંત્રાલય હસ્તકના દિવ્યાંગજન સશક્તિકરણ વિભાગ દ્વારા ૭૫ સામાજિક અધિકારીતા શિબિરોના માધ્યમથી, દિવ્યાંગજનો માટે ભારત સરકારની ‘એડીપ’ યોજના હેઠળ શ્રેર્ણીબદ્ધ નિ:શુલ્ક સાધન સહાય વિતરણ કેમ્પનુ આયોજન કરાયુ છે.
વિધાનસભા નાયબ મુખ્ય દંડક વિજયભાઇ પટેલના અધ્યક્ષ સ્થાને દિવ્યાંગજનોને નિ:શુલ્ક સાધન સહાયનુ કરાયુ વિતરણ
આ કાર્યક્રમો અંતર્ગત ડાંગ જિલ્લાના આહવા ખાતે ગુજરાત વિધાનસભાના નાયબ મુખ્ય દંડક શ્રી વિજયભાઇ પટેલના અધ્યક્ષ સ્થાને ‘એડીપ’ યોજના હેઠળ, દિવ્યાંગજનો માટે નિ:શુલ્ક સાધન વિતરણનો કાર્યક્રમ આયોજિત કરાયો હતો.આ પ્રસંગે દિવ્યાંગજનોને આપવામા આવતા સાધનોનો યોગ્ય ઉપયોગ કરવા શ્રી વિજયભાઇ પટેલે જણાવ્યુ હતુ. આ સાથે ડાંગ જિલ્લાના અન્ય દિવ્યાંગજનોની નોંધણી કરી, તેઓને પણ આવા સાધનો ઉપલબ્ધ થાય ટેવ સુચન પણ તેમણે આ વેળાએ કર્યું હતુ. આ કેમ્પમા દિવ્યાંગ લાભાર્થીઓને રાઇઝ ટ્રાઇસિકલ, ટ્રાઇસિકલ, કુત્રિમ હાથ પગ, સ્માર્ટ કેન, કાનનુ મશીન, મોબાઇલ, સી.પી.ચેર, વ્હલીચેર જેવા સાધનોનુ વિતરણ કરવામા આવ્યુ હતુ.
ઉલ્લેખનીય છે કે, ડાંગ જિલ્લામાં જિલ્લા સમાજ સુરક્ષા કચેરી દ્વારા કુલ ૨૭૮ જરૂરિયાતમંદ લાભાર્થીઓને કુલ ૩૫ લાખથી વધુની રકમના ૪૫૬ જેટલા વિવિધ સાધનોનુ વિતરણ કરવામા આવ્યુ છે. જેમા આહવા તાલુકાના ૧૩૬ લાભાર્થીઓને ૨૩૫ સાધનો રૂ.૧૬ લાખ ૪૨ હજાર ૨૮૮ ના ખર્ચે, સુબીર તાલુકાના ૭૫ લાભાર્થીઓને ૧૩૬ સાધનો રૂ. ૮ લાખ ૪૧ હજાર ૯૬૨ ના ખર્ચે, અને વઘઇ તાલુકાના ૬૭ લાભાર્થીઓને ૧૨૧ સાધનોનુ રૂ. ૯ લાખ ૩૩ હજાર ૧૫૩ના ખર્ચે એલીમકો-ઉજ્જૈનન તથા ડાંગ જિલ્લા વહિવટી તંત્રના સહયોગથી વિતરણ કરવામા આવ્યુ છે.
આ કાર્યક્રમમાં પ્રદેશ આદિજાતિ મોરચાના મંત્રી શ્રી સુભાષભાઈ ગાઇન, ભાજપા મહામંત્રી શ્રી દિનેશભાઇ ભોયે, બાળ લગ્ન પ્રતિબંધક સહ જિલ્લા સમાજ સુરક્ષા અધિકારી શ્રી વિજેન્દ્ર ગોહીલ, પ્રોબેશન ઓફિસર શ્રી મહેન્દ્રભાઇ ચાવડા, જિલ્લા બાળ સુરક્ષા અધિકારી શ્રી ચિરાગ જોષી, એલીમકો-ઉજ્જૈનના શ્રી ચંદન ચંદ્રા, શ્રી રામોજી તથા તેમની ટીમના સભ્યો ઉપસ્થિત રહ્યા હતા.
